میسی نے بکری کا بچہ گود لے لیا؟

بارسلونا: فٹبال کی دنیا کے نامور کھلاڑی کی نئی تصاویر نے سوشل میڈیا پر دھوم مچادی، جس میں انہوں نے گود میں بکری کا بچہ اٹھایا ہوا ہے۔

تفصیلات کے مطابق ارجنٹینا سے تعلق رکھنے والے لیونل میسی کا شمار کامیاب ترین فٹبالرز کے ساتھ ساتھ اُن شخصیات میں بھی ہوتا ہے، جن کا ہر اسٹائل فیشن ٹرینڈ بن جاتا ہے۔

میسی دنیائے فٹبال کے وہ کھلاڑی ہیں جن کے دنیا بھر میں لاکھوں کی تعداد میں مداح ہیں اور وہ اپنے ہر دل عزیز کھلاڑی کے انداز کو اپنانے کی ہرممکن کوشش کرتے ہیں۔

عظیم فٹبالر کی سوشل میڈیا پر ایسی تصاویر سامنے آئیں جنہیں دیکھ کر مداح حیران رہ گئے، ان تصویروں میں میسی بکرے اور اُس کے بچوں کے ساتھ فوٹو سیشن کروارہے ہیں۔

اطلاعات کے مطابق ارجنٹائن فٹبال ٹیم کے کپتان کی یہ تصاویر امریکی میگزین میں شائع ہوئیں جس کا مقصد جانوروں کا تحفظ ہے، میسی کے ساتھ فوٹو سیشن کے لیے بکرے چڑیا گھر سے کچھ دیر کے لیے منگوائے گئے تھے۔

میسی کا کہنا تھا کہ ’مجھے ذاتی طور پر جانور بہت پسند ہیں اس لیے میں نے اپنے گھر میں گرے ہاؤنڈ نسل کا کتا بھی پال رکھا ہے، اس سیشن کو پری ورلڈ کپ فوٹو سیشن سمجھا جائے۔ معروف فٹبالر کی تصاویر دیکھ کر مداح نہ صرف حیرات ہوئے بلکہ انہوں نے جانوروں کے ساتھ میسی کے رویے کو بھی بہت زیادہ سراہا۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں